實施兩人禁聚令　3人組合天堂鳥被迫解散？

男子跳唱組合天堂鳥（BOP）本身有三位成員，但因政府近日實施兩人禁聚令，故組合在社交平台宣布暫時「被迫解散」！對此Gordon笑言幸好在禁聚令實施前，完成了三人一起在無綫的錄影工作：「之後大家暫時唔使聚埋工作住，依家逼住當休息吓先，因為好多工作都延期同取消。」

Lincoln亦笑言三人惟有暫時分開，但坦言禁聚令對其健身教練工作大受影響：「因為健身室、運動場、會所都閂，就算我平時都係一對一訓練，但都冇地方可以做，對我收入真係好大影響。」而Tyrese就謂疫情期間可以打理園藝：「我個人好悶得，可以全日對住啲花花草草都ok，我之前真係試過連續6日冇出過門口，如果唔係雪櫃冇晒食物，我可以唔出去。」