持續高燒！鄧達智皮膚發紅人消瘦：燒到我懵咗

已確診新冠肺炎、在醫院留醫的時裝設計師鄧達智昨日指同房的病人不戴口罩狂咳，向記者發出求救短訊，希望對方能夠戴番個罩以策安全，經過一日後，持續發燒發冷的他，消瘦不少，腿部更又紅又白，變晒色。

今日鄧達智再向東網記者透露最新情況：「今日好好多，不過打咗針之後好難講，尋日發燒發到我懵咗，好攰。現在每日量血壓、溫度、血氧三次；兩日一次照肺和驗血，所以一陣會去照肺。」他說精神好時會繼續寫稿：「文字工作，按部就班 。」對於同房咳嗽唔戴罩問題，已感冇所謂。

鄧達智晚上七時再回覆東網，他說：「藥物反應，又再發冷發熱，好攰，幸肺照過冇花！」

他又透露同房於黃昏時已調走，估計會有新的同房調入，笑言希望他沒有之前的咁大頭蝦！