疫情影響！佗B譚凱琪陳凱琳避免去產檢

疫情嚴峻，有私家醫生及孕婦分別確診，現正懷孕的譚凱琪坦言人心惶惶：「除咗要返工冇辦法之外，我都唔會亂出街！（老公放工返家會否特別消毒？）有呀！我會同佢全身噴消毒劑，又避免接觸其他人，有啲冇病徵真係睇唔到㗎嘛！」至於有否延期產檢？ 她說：「會延期呀！依家寧願安全啲，改期囉！」

另一腹大便便的陳凱琳表示盡可能都不會出街：「屋企有小朋友，叫工人姐姐買少少餸就返，或者喺網上購物。」又指老公鄭嘉穎最近都留在家中照顧她，還會諗些活動給小朋友娛樂及學習，問到產檢則說：「我本身一個月一次，咁醫生都話如果冇乜大問題，佗得穩陣同BB保持有郁動嘅就唔使特別去覆診住，有啲乜嘢特別先去搵佢。」