【花旦Gathering】鍾嘉欣新造型曝光！

本港近日爆發新冠肺炎第三波疫情，唔少人都留在家中避「炎」，呢日李施嬅就喺社交網晒出早前聚會嘅短片回味一番，當中聚集咗一班花旦，除咗有好姊妹胡杏兒外，仲有最近由溫哥華回港拍劇嘅鍾嘉欣以及陳敏之，相當熱鬧！

片段更加上特效，令咁多位靚女變成大頭BB，認真搞笑！而最大亮點就係鍾嘉欣嘅新造型終於曝光，原來佢剪咗一頭短髮，即獲粉絲大讚好睇。