女星改黃曉明婚照玩出禍　Baby粉絲護主喪鬧

內地藝人黃曉明有份拍攝嘅內地節目《中餐廳》尋晚首播，多位圈中人就幫手於社交網發文宣傳，其中就有女歌手許飛，佢貪得意用咗黃曉明同老婆Angelababy張經典婚照改圖，將許飛自己個樣Key上去Baby個樣度，點知一P就出晒事！

大批網友湧到入去許飛社文網，大鬧佢亂P人哋將婚照唔合適，插佢行為幼稚，仲有心多網友指佢係咪想唱衰曉明兩公婆，指摘許飛係咪暗示緊二人婚姻有問題，搞到許飛即刻跪低，發文向大家道歉。佢提到張相一早畀曉明睇過，話大家都覺得幾好笑就冇顧慮太多，冇諗過坊間反應會咁大，許飛更將改圖換走，以平網友怒火。

許飛發文：「想給曉明哥打電話，沒打好，翻車了。雖然昨天給曉明哥看過圖，大家都覺好玩沒多想。沒想到這條微博引起大家如此不好的感官體驗，所以第一時間更換了圖片。娛樂應有分寸，玩笑應有尺度。這次好心辦了壞事，我檢討。在此對受到傷害的網友粉絲朋友們道歉。」