阿妹你邊位？林志玲忽變網紅臉認真大整蠱

台灣藝人林志玲近一個月頻頻拍片贈網友，因為大家已經好耐冇見佢真人，次次都係靠網上見，今次佢為受疫情影響嘅電影界拍片加油，但網友卻驚訝片中佢成個樣唔同晒，直頭好似變咗位不知名網紅咁嘅樣，加上佢上圍似乎又再升Cup，睇到網友都訝異問佢到底發生咩事。

其實早在今個月頭，林志玲拍片宣傳阿信旗下潮牌，當時佢已經被網友質疑嬌顏崩壞，搞到佢即刻自拍以表容顏未老，唔知係咪怕咗網友啲評論，今次似乎係Filter太勁搞到更出事，如果林志玲想證明自己靚樣尚在，不如佢出嚟見人，咪更加可以證明囉！