藝人戴口罩照跑步!港姐黃婉恩:10分鐘後習慣

2020年08月01日 12:50
東網電視
更多新聞短片
戴住口罩照跑,認真有毅力!
香港第三波疫情嚴峻,已經連續十日確診超過100宗,好多人都留家抗疫,減少外出,但都仍然有幾位藝人戴住口罩都要去跑步Keep fit,咁又係嘅,好多人都話做開運動突然間唔做會周身唔舒服,不過戴住口罩做諗起都辛苦,有人就笑言當練肺活量,但佢哋仍然能夠跑足全程,真係少啲毅力同堅持都唔得呀!
藝人范文雅穿上一身性感運動裝喺維港旁跑步,佢留言話:「去跑步也要記得戴口罩哦,香港的夜景很美,可是美麗的城市啊,為甚麼我一直沒有歸屬感呢」
而今屆入圍港姐的黃婉恩,都跑步Keep fit保持最佳狀態去參選,疫情期間,有健康嘅生活習慣是非常重要,雖然所有室內運動場所都暫時關閉,但唔好忘記係屋企都可以做運動,我琴(尋)晚決定趁人少嘅時候出外跑步,雖然戴住口罩跑步好困難,但係為咗保護自己同身邊嘅人,戴口罩是必要的,不過請相信我!開始10分鐘之後就會慢慢習慣,如果我可以,你哋都一定可以,大家一同加油。」
而一向跑開步的黃浩然就選了黃昏時段跑步,他說:「與大家一起並肩抗疫,黃昏跑5k #戶外運動也要戴口罩。」