專登唔留底？藍奕邦疑開Live鬧謝安琪雙面人

歌手藍奕邦尋晚同鄧小巧喺社交網開直播，飲住酒唱吓歌，點知網友喺討論區稱聽到藍奕邦喺直播中鬧謝安琪係雙面假人，網友稱藍奕邦暗示有人政治立場不明確，捧自己做「民主女神」，仲講埋對方老公，話兩公婆都唔係好人，期間有提到周博賢、麥浚龍等人名，即被網友揣測藍奕邦暗示嘅係謝安琪及老公張繼聰，搞到不少網友因而喪鬧謝安琪。

但翻查藍奕邦社交網嘅直播紀錄，見佢都係講鄧小巧嘅新歌以及早前喺加拿大點樣留家避「炎」等事，未有提及謝安琪。事件爆出後，藍奕邦表示網友口中所講嘅直播未有留底，亦表明自己未有提及任何名字，並希望大家唔好作太多假設。而謝安琪方面則表示沒有任何回應。