【不一樣的生日】羅志祥41歲盼新開始 網民叫滾!

2020年08月01日 13:45
東網電視
更多新聞短片
真係今時唔同往日…
台灣天王羅志祥(小豬)自被網紅前女友周揚青「毀滅式」分手後,事業插入谷底,暫時未有新工作嘅佢,不時喺社交網「試水溫」。前日(30日)41歲生日嘅佢,冇好似之前咁大晒朋友為佢慶祝嘅相,只好低調咁喺社交網留言「新的一天」,上載獨照,暗示重新出發!
唔少網友留言叫佢加油,送上生日祝福,而佢亦好有心多謝大家:「謝謝大家,我都有看到!也祝福你們一切都好,都順心平安!」不過亦有唔少網友唔多受,留言「滾吧」、「別想復出」及「不用謝,滾吧」!