擊退新冠肺炎!麥德羅終於康復出院:死裏逃生

20200801
東網電視
更多新聞短片
麥德羅好番晒!
確診新冠肺炎的歌手麥德羅住院10多日,早前曾一度轉院要重新醫過,終於康復出院!形容為「中六合彩啦」的他拍片宣布「喜訊」,戴住口罩興奮表示:「今日好開心,醫院話我可以出院啦,我直情晴天霹靂,好似中咗六合彩一樣,呢次好似死裏逃生,依家先知道健康係比財富更可貴,所以首先要多謝照顧我嘅醫護人員,呢兩個星期悉心照顧,同埋關心我嘅好朋友,咁我喺度亦都希望,有病嘅好朋友好似鄧達智咁,你哋都快啲好番,同埋全港市民都要注意衞生,記得戴口罩,勤洗手,祝你哋身體健康。」
其後,他再上載準備出院的短片,手執出院紙的他說:「醫生講我冇晒病啦,可以出院,頭先醫生啱啱畀出院紙我添,我依家走啦,拜拜。」
至於仍在留院的著名時裝設計師鄧達智則表示:「昨天藥物反應厲害,今日好攰好攰,其他 ok。」