台灣隔離14日溝女解悶?姜濤出關被爆趕住食女

2020年08月01日 15:41
東網電視
更多新聞短片
花姐話姜濤喜歡可愛型,呢個女仔唔係呢Type喎。
藝人姜濤被讀者爆料指他往台灣隔離14天後,一出關不是開工拍劇而是第一時間溝女,轟他正一是「拍劇為藉口,食女才是真」!更附上姜濤追蹤一名叫「Queena Linn」的社交網的截圖,而Queena的頭像相是位妙齡少女,而她的相簿中有大量不同的造型照,且她似乎愛染髮,一時紅頭,一時又銀色頭髮,造型百變。不過被踢爆「溝女」事件後,姜濤已取消對Queena的關注。
經理人代否認
姜濤經理人花姐回應東網時表示:「咁好笑,佢一定做唔到,助手24小時陪住佢,尋晚先同劇組監製打邊爐。(依家話食女喎!)要了解吓,我覺得唔會,佢平時一見女仔就怕醜。(姜濤鍾意咩類型女仔?)可愛型。」更指姜濤將於本月中才開工,期間要試造型及接受動作訓練,亦需要與演員們進行圍讀劇本,還要為新歌錄音,非常忙碌,故應無暇溝女。
姜濤誤會對方係自己粉絲
姜濤接受東網訪問回應事件時表示:「尋晚做完嘢台灣工作人員叫我哋去飲嘢,我坐埋一邊,冇耐有個女仔行埋嚟,我開頭以為佢係我Fans,仲好開心台灣都有粉絲,點知傾咗幾句先知佢唔係,佢當時叫我Follow佢社交網,喺現場唔好意思推就Follow咗,事後覺得唔識人就Unfollow番,坐多一陣就返咗酒店。」