與鄭偉強醫院相遇　劉少君說服對方用藥

無綫前高層鄭偉強（阿鄭）確診新冠肺炎，被送入伊利沙伯醫院隔離治療，東網今天再聯絡阿鄭，他在電話中聲線比昨晚變得柔弱：「我冇嘢，尋晚打完第一針發冷﹑發熱，依家等打第二針，冇事，有心，多謝！」

因為入院時阿鄭與同住隔離病房的劉少君遇上，劉少君接受東網訪問稱，要多畀正能量老人家：「佢係2號床，我哋有電話聯繫，起初佢都擔心，年紀大，後尾幫佢解決困難，因為佢年紀大都70歲，又有糖尿病，唔知用咩方法好，我話用藥好，可打低病毒，咁佢就冇再心煩，我哋傾咗好耐，佢都接受咗！其實我都有心裏話同大家講，老人家70歲嗰啲，如果中咗呢個病，唔使氣餒，冇事嘅，有病醫病，一定身體健康，呢個病唔可怕，畀多啲正能量佢哋，就冇事！」