做好男友撐硬朱智賢 謝東閔成無綫力捧小生

2020年08月01日 19:59
東網電視
更多新聞短片
謝東閔努力做好自己,女友遇到困難時挺身而出,終於成為無綫力捧小生。
十年前參加《超級巨聲2》摘下第四名入行的謝東閔(Brian),於重頭劇《殺手》演Parker一角備受關注,成為「巨聲幫」中拍劇最多的一個,由小角色升呢為力捧上位小生之一,他說:「入行頭兩年,感覺跟唱歌呢個理想愈行愈遠,之後就冇再去想(唱歌),嘗試去演戲,到拍《女警愛作戰》時,發覺自己真係的愛上演戲。有段時間,的確有羨慕吳業坤,但唱歌講緣分,呢十年我得着咗其他嘢,拍咗近三十齣劇,總算行出一條路,呢一行係長途賽⋯」
被喻為「筍盤」的他,2017年傳出同朱智賢交往,但二人從無對外承認戀情,直至今年4月底,而朱智賢被爆與同劇有婦之夫拍檔黎振燁出軌,謝東閔以男友身份陪女方現身舉行道歉記者會,並強調自己也有責任疏忽了女朋友,會陪伴她走過這一關。
被問當天為何能如此冷靜為女友護航,他說:「我係衝動嘅人,但當刻唔理該埋怨,反而要去想點樣保護佢,大家一齊,認識咗咁耐,我唔會擺低佢,我好擔心佢,所以決定陪佢一齊出嚟面對。我冇想過其他嘢,一心只想用乜嘢方法幫佢!我覺得,佢係我值得去幫嘅人!」
有說每段關係都必需經歷考驗才能更進一步,他表示認同:「無論感情或者工作,要有經歷才有進步。好似踩單車咁,你要跌過好多次先會踩得好,做人都係一樣。」