陳楨怡話侯嘉欣個樣惡：呢個係第一印象

港姐候選佳麗「女版金宇彬」陳楨怡（Celina）現身網上直播節目後，接受訪問，對於於節目直指侯嘉欣樣貌惡，她說：「呢個係第一印象，之後佢非常之Nice同搞笑，仲買咖啡畀我飲。（咁講唔怕得罪人？）唔係得罪，係朋友之間開玩笑。（唔驚佢嬲？）唔會，佢非常之Nice。」

談到她於節目中表現較靜，Celina坦言也有參與談論，只是次序到她才發言，提到過程間要邊食邊講，會否感尷尬？她表示也需要注重儀態，至於其露肩造型，相對於侯嘉欣低胸裝不夠搶鏡，她說：「今次要端裝啲，自己鍾意露肩，驚食嘢會走光。（驚比下去？）絕對唔係，都唔知佢着咩衫，大家冇夾過，我都係着適合嘅衫。（對自己有信心？）大家身材都非常之好。」