原來係高手！陳熙蕊翻唱《那些我》插曲吸Like

早前熱播嘅無綫劇集《那些我愛過的人》收視高企，由吳若希主唱嘅插曲《沒有你並無掛念》唱到街知巷聞，連舊年在港姐中奪得「友誼小姐」嘅陳熙蕊，都忍唔住湊熱鬧，仲覺得首歌太好聽，所以着住小背心翻唱上載至社交網，獲唔少網友指佢唱得唔錯，感情十足，連吳若希都留言畀心心留言支持佢，陳熙蕊留言：「一首帶有溫柔又澎湃嘅歌，因為太好聽真係好鍾意所以就唱咗，《那些我愛過的人》雖然已經做完一排，但情節依然歷歷在目，記得睇大結局喊到傻咗。」