處男下海拍片!杜德偉化身變臉大師唔怕做大叔

2020年08月02日 10:00
東網電視
更多新聞短片
杜德偉處男下海拍片自娛。
歌手杜德偉(Alex)現時身在上海拍戲,有日趁未開工前,就在酒店拍片自娛,片中的他如「變臉大師」,每次揮手抹鏡時都會變樣,最初由髮型開始,本露額頭,一抹下又變右邊劉海,之後再變左邊劉海,跟住頭髮全遮額頭,到最後更變成戴眼鏡、用口罩扮頭箍的「大叔」,搞笑是他每變一次Look時都露出驚訝表情,相當好戲。
自言短片是「自編自導自演自拍自剪」一腳踢的Alex,稱因在房間中太清閒,所以「第一次處男下海」拍搞笑片:「我喺網上見有啲人都喺鏡面前抹鏡,之後就變身,覺得呢啲片幾得意,咪自己Set機玩,拍咗兩、三個版本,我諗前後用咗個幾鐘,揀咗呢個版本Send畀我個仔睇,佢睇咗好開心,咪再擺上網同大家分享囉。」問到最後一個「大叔」樣可擔心破壞型男形象?他說:「依家都冇乜形唔形象,最緊要大家睇得開心。」