楊怡餵人奶破戒食味精 原來羅仲謙係原兇!

2020年08月02日 11:09
東網電視
更多新聞短片
老婆大人咁辛苦,梗係要慰勞吓佢啦!
藝人楊怡與羅仲謙結婚多來恨生B,今年宣布造人成功,4月誕下囡囡小珍珠。作為新手媽咪嘅楊怡一直努力學習做人母,為見證寶貝女成長從不假手於人,親力親為照顧,仲餵哺母乳讓女兒茁壯成長。
不過湊B咁辛苦,吊頸都要抖吓氣,楊怡透露自己忍唔住口,破戒食咗味精食物:「由於要餵人奶的關係,我一直嚴禁自己食有味精的食物,但今晚要破戒了,就獎勵下自己吧。」仲加上「#老公知我辛苦親自煮的通心粉」、「#媽媽都要任性下」,原來呢碗愛心通粉係老公羅仲謙親手煮,難怪甜到入心,唔講以為食緊糖水呀!