太太病情反覆入院　林子博無奈：醫生聽日先返工

藝人林子博太太董燕君（Shirley）早前不幸被確診罕見的「平滑肌肉瘤」，醫生診度後指體內癌指數減低，令家人放下心頭大石，不過近日Shirley病情開始反覆，數日前腫瘤令她痛楚非常，更不能下床！昨晚子博親身接載太太往醫院求診，目前Shirely留院觀察，但痛楚暫只能靠藥物減輕…

子博中午接受東網訪問，語氣相當無奈：「因為疫情關係，我依家都去唔到探佢，只係透過短訊問佢想要啲乜，我攞到去都係交畀醫院轉交畀佢咋。如果冇痛，太太情緒好啲，依家咁就提醒咗佢自己有病，梗係心情差啦。我都知道癌症冇可能完全好番，只係希望佢唔痛，我就覺得OK喇。」由於周日關係，Shirley的主診醫生要明日才上班，目前暫交由巡房醫生處理。

子博坦言近日有拍攝工作，太太在醫院自己反而放心：「因為有人睇住佢。（一對仔女心情點？）我冇將情緒帶返屋企，佢哋都可以嘅。」