Stay Home敷Mask 秒變卡通人物！
20200802
東網電視
更多新聞短片
全新推出的Sanrio面膜直接以角色為造型，敷上後秒變卡通角色，又萌又搞笑。（互聯網）
居家抗疫做咩好？煲劇打機好快就悶，不如敷番個Mask，修護吓因戴口罩而起的肌膚問題！近日全新推出的Sanrio角色造型面膜，直接將面膜造成角色模樣，敷上臉之後秒變卡通角色，相當搞笑，若與家人一同敷定必好玩又開心。
今次推出的面膜一共有Hello Kitty、My Melody、布甸狗、玉桂狗和Kuromi五款，而且各有不同香氣，每人揀一款就可以齊齊變身不同卡通角色。加上每款面膜都添加了透明質酸、珍珠精華、水解膠原蛋白等補濕成分和熊果素美白成分，能讓大家夏日不忘補濕亮白之餘，更可紓緩口罩下的悶熱肌膚，確是高顏值又實用性強的保養佳品呢！