「亞視霆鋒」伍偉樂揸巴士養家 波友馬國明讚好男人

2020年08月02日 21:36
東網電視
更多新聞短片
伍偉樂轉行揸巴士。
現年37歲的前「亞視謝霆鋒」伍偉樂,當年18歲《亞視新型人》入行,於亞視十多年做到亞視2016年「熄機」,手持這筆猶如「安家費」的六位數遣散費及薪金,供養當年剛新婚的太太和新出世的兒子,其後三名子女先後出世,擔起這個六口之家,絕不容易。不過,性格樂天的伍偉樂堅強面對逆境,曾為ViuTV工作,以及做過郵局兼職、推廣汽水販賣機和售貨員等,但新冠肺炎疫情下,他最可觀的婚禮司儀外快工作,亦全部冧旗!絕境逢生,樂仔不惜放下身段轉行揸巴士,月薪只有一萬多元,雖不足養起全頭家,但他仍撐起半邊天說:「點都頂住先!我唔食,老婆同班仔女都要食!」
記者日前到他位於觀塘的工作地點採訪,見伍偉樂一身樸實打扮,洗盡昔日藝人形象之沿華,熟練地到巴士司機位準備一齊工作,跟一般巴士司機冇分別,但受訪的樂仔稱仍有人認得他而感恩:「乘客會同我打招呼,叫我加油㗎!(習慣?)其實車長、乘客都對我好好,只係怕自己開車時少不免有碰撞,同埋最驚自己玻璃肚要搵廁所,不過暫時都冇遇過,日前試過壞車,揸返廠時師兄都幫我手善後,好有人情味!(月薪夠養家?)其實揸巴士可以有OT,最多會有三萬月薪!以外嘅兼職就唔好啦,怕唔夠瞓揸車危險,對乘客唔負責任。」
愛踢波的伍偉樂原來跟無綫「視帝」馬國明是波友,馬明得知對方的情況,亦大讚這個男人冇得頂:「我同佢幾熟,間中都會踢波,我覺得佢係一個好老公、好爸爸,踢波時見佢會帶個仔出嚟玩,我心目中用自己能力養妻活兒,己經係一個好男人!」