丁子朗搵外國女友　黃庭鋒拍拖睇緣分

藝人丁子朗與黃庭鋒於港姐網上直播結束後，接受訪問，庭鋒表示節目前已先了解佳麗們的花邊新聞，然後於過程中集中提問，對於不少無綫小生也找港姐為另一半，問到二人可有想過會發生自己身上？子朗說：「有諗過，我嗰屆嘅港姐都有同公司人一齊，好似袁偉豪同張寶兒，陳展鵬同單文柔，同事之間好多時都會合作。（何孟珊同陳煦凝都係你鍾意類型？）我自己喺外國返嚟，所以環球嘅…會夾啲，喺外國成長嘅人囉！不過今晚兩位港姐都好好，希望佢哋拎冠軍，但我亦覺得郭柏妍幾好。（睇好佢？）佢唔係大熱咩？」

正與陳展鵬合作無綫新劇《超能使者》的庭鋒，透露劇中演兩兄弟，他也有趁開工時，與對方討論戀愛問題：「展鵬都係話最後要睇緣分。今日同陳煦凝傾好多，佢話擇偶條件首要孝順，想法都幾深入，同埋何孟珊係我中文大學嘅師妹添！」