港姐陳煦凝竟然鍾意醜男　何孟珊拒搵醫生男友

《2020香港小姐競選》的「我和港姐有個約會」網上直播後，港姐何孟珊及陳煦凝（Amber）事後受訪，Amber繼續否認戀情：「個男仔係我Best friend，唔會拍拖，想專心比賽。（會同佢溝通番？）因為太尷尬，冇再溝通，過咗去就算！（鍾意咩類型男仔？）鍾意醜嘅男仔，太靚仔令我覺得佢一定係自細被當王子般照顧，因為我鍾意畀人照顧！」

何孟珊則大讚嘉賓黃庭鋒及丁子朗，都是她鍾意類型，她說：「我鍾意成熟、穩重！（遭醫生非禮難受？）都係嗰一次啫，其實佢都幾出名，（醫術出名定係抽水出名？）各方面都出名！其實眼見都有唔少醫學桃色新聞，所以我都唔想識醫生！」

由於昨日是何孟珊24歲生日，正好在餐廳食龍蝦，而她亦有切蛋糕慶祝，但因要減肥不敢多食，問生日願望是否想奪冠？她說：「唔係，我係想疫情快啲過，大家朋友可以出嚟見吓面。」