養唔起有米女友？Tyrese＠天堂鳥被催婚呻五行欠「水」

男子跳唱組合天堂鳥（BOP）推出勵志新歌《冒險島》，成軍6年的三子演出默契十足，緋聞亦齊齊有「着落」，做訪問還會互窒取笑！

Tyrese自責「冇用」，與有米巨胸網紅Pumpkin Jenn拍拖的他，表示有對象但欠經濟能力︰「屋企人一直都有催，但所有嘢都離不開錢，屋企人做植物生意，我都打算繼承，再諗吓有咩方法經營。」

Lincoln笑指就連家人都加把口︰「佢哋會好奇想了解，仲同我講係時候要成家立室，但通常我都會話要顧掂自己先。」

Gordon則自爆恨結婚生B，希望跟小朋友零代溝︰「想好似爸爸咁喺年輕嘅時候生家姐同我，家姐都生咗四個！（緋聞女友Carman係你生B對象？）佢唔係我嘅，順其自然啦！」