細仔出世喇!陳凱琳晒全家福報喜 鄭嘉穎冧到爆

2020年08月03日 12:59
東網電視
更多新聞短片
恭喜晒!
現年29歲嘅前港姐陳凱琳(Grace)喺社交網公布好消息,透露細仔出咗世喇,改名做Yannick!佢大晒一家四口全家福,透露BB比預期早咗出世,但母子平安,又覺得升呢哥哥嘅Rafael同細佬相處似乎好融洽,佢哋都迫不及待睇到佢哋一齊成長,喺過程中互相支持同彼此相愛!
50歲嘅鄭嘉穎第二度做爸爸,就冧爆抱住囝囝錫錫,留言:「細佬來了,母子平安,非常感恩❤️」喺疫情下再做父母,Grace都祝福大家要安全同健康:「Wishing everyone safety and good health in this current situation.Blessings, from the Cheng Family」
Grace接受東網訪問時表示:「BB係喺上個禮拜一7月27日出世,我同BB都已經安全返嚟屋企,So far大家相處都好融洽啦,Rafa做咗哥哥都好乖,見到BB喺時都好幫手,幫我哋睇吓BB,大家都非常之安慰嘅!同埋今次比起第一胎都比較有心理準備,心情都唔錯,嘻嘻!總之成件事都好順利好順暢好喜悅,咁所以多謝大家嘅祝福,嚟緊會多啲休息,希望大家都安安全全留喺屋企,盡量都唔好出街啦,自己坐月都喺屋企養番好個身體,多謝大家關心!」
鄭嘉穎則向東網透露二仔已改名「鄭承亮」,他說:「好開心,母子平安,依家冇乜嘢緊要過身體健康。二仔似老婆,鼻高高、面尖尖,似老婆好呀!最緊要佢身體健康,開開心心咁成長,已經心滿意足。」