隔離完復工!何弘軒生意受疫情影響蝕過百萬

2020年08月04日 16:36
東網電視
更多新聞短片
何弘軒隔離完復工啦!
歌手何弘軒(Alan)早前因媽媽確診新冠肺炎而要入住隔離營,上周已出關,而今日他再在社交平台報喜,透露媽媽亦已出院:「媽媽已經在早幾日康復出院,現留家休養。感謝主。🙏 我出關後都自己再隔離多一個星期,但因為手停口停🤣所以都要即刻投入工作,大家快啲去我網店幫襯支持啦😅」
他透露昨晚已為其直播購物平台復工,並邀請了新人孔惠佳擔任節目嘉賓,提到如此快復工,他謂因爲手停口停:「大部分娛樂圈工作都暫停,而自己開辦嘅美容中心同小朋友藝術中心,都因防疫措施而強制關閉,所以依家靠直播維持收入。」他又坦言生意因疫情大受影響:「蝕超過百萬!好彩呢段時間同事都體諒,同我哋一齊共渡難關。(生意會繼續頂住先?)盡頂!頂到幾耐就幾耐。」
提到媽媽的情況,他表示媽媽已經出院,現在家休養:「媽咪依家喺屋企都要用藥,下星期要再覆診,所以都未完全放下心頭大石,不過佢驗咗有抗體,所以依家都冇咁緊張,都十分感謝醫護人員對媽媽嘅悉心照料。」他透露之前在隔離營期間反省人生:「因為之前太忙,所以趁呢段隔離嘅時間,畀自己靜落來諗吓未來嘅方向,仲喺呢段時間作咗隻歌鼓勵媽咪,亦希望可以帶啲正能量畀大家,一齊去面對呢個疫情。」