港姐:廖慧儀激讚洪永城「好大力呀!」

20200804
東網電視
更多新聞短片
洪永城同廖慧儀Chit Chat。
《2020香港小姐競選》「我和港姐有個約會」今晚的三位佳麗分別是「狂野空姐」廖慧儀、黃婉恩及源菲然,至於與她們邊吃邊Chit Chat的就是洪永城、馬貫東及郭子豪。
與洪永城同枱的廖慧儀,將對方改名「空姐殺手」,直指對方眼神好迷人,而廖慧儀一開始亦交足戲,說話時嗲聲嗲氣,一時問洪永城:「咁你有冇對空姐有Fantasy先!」、「你鍾意外國人夠大喎…隻眼」、「希望你帶我去旅行啦!希望可以同你拍到旅遊節目啦!」說話既主動又帶點挑逗性。到與Tony拗手瓜時她又謂:「好大力呀!Oh My God!」Tony即謂:「你咪講呢啲呀!」好明顯廖慧儀想走馮盈盈條路。洪永城又指廖慧儀曾直言自己拍過5次拖,廖慧儀說:「係囉!我唔識講大話,係缺點嚟!」
廖慧儀之後接受訪問,她坦言與男友在交友APP認識,起初自己都有點介意,但原來身邊朋友都有不少是這樣,最終更結埋婚。問有否試過中伏?她謂:「冇!約過出嚟都係一、兩個啫!約出嚟都有危險。」
說到她與洪永城拗手瓜時很大隻,她謂:「係呀!如果我落選會去玩健美,人生乜都要試吓,自己又好勝。」再說到有網民指她扮馮盈盈,對此她否認謂:「我都係做番自己啫!(網友話妳有啲姣!)因為喺洪永城身邊忍唔住笑,所以畀人咁嘅感覺,女仔係好易畀人誤會,好唔公平囉!」
洪永城表示對廖慧儀第一個印象是運動型,好開朗,又問她:「你做空姐去過世界各地,都見過唔同嘅外籍人士,最鍾意咩國家嘅男仔?」她坦言覺得韓國男仔好有紳士風度:「之前都識過個韓國男仔,自己好似韓國女主角咁,佢會幫你開車門,擔遮!」