港姐：大熱係鵪鶉？郭柏妍惟有靠呢樣改變自己

廖慧儀、黃婉恩以及源菲然今晚為《2020香港小姐選選》「我和港姐有個約會」做直播，另一批入圍佳麗郭柏妍、謝恩靈、鄺美璇、羅雪妍以及梁懿婷等則錄影後晚的節目，身為大熱的郭柏妍，被問到想同余德丞抑或胡鴻鈞傾偈？她指兩個都可以：「都想同佢哋認識下，傾吓偈。」

對於有指今年港姐之訓練比過往少，郭柏妍不太認同，並表示：「我哋都有好多訓練，之前都試過喺網上學化妝，之後都會喺網上學行Catwalk，我好少接觸呢類課程，所以啲課程對我嚟講好好。」雖是大熱，但她表現得沒有太大自信，口才亦被評麻麻，對此她表示：「我會對多啲鏡頭去練習，同埋會練好啲才藝表演。」

穿上黑色露膊裝的梁懿婷，打扮性感，被問到過往都頗多性感打扮，她則表示：「之前都喺着大會衫，今次係自己衫，大會叫着得靚啲，都係舒服健康為主；（如何備戰？）每日做半小時運動，食嘢方面都會注意啲，食好多番薯（咁咪放屁？）冇，消化正常！」她指自己現在體重51公斤，希望可以減到49公斤。