《殺手》黎耀祥結局會死　龔嘉欣挨屍挑戰演技

黎耀祥、李佳芯、龔嘉欣、高海寧等在將軍澳電視城宣傳《殺手》結局篇，並公布收視喜訊，第四周7天跨平台總收視30.3點，短視頻瀏覽人次近2,000萬。

近日劇情講到黎耀祥為徒弟林景程復仇，在記者會上祥仔竟然劇透自爆在大結局會遇害，問到劇透可擔心影響追看？他說：「唔會，我大結局先死，就係等大家睇吓我點死，點解會死。」龔嘉欣說：「我會挨落去佢赤裸裸嘅身上，我要守護住祥哥個心，嗰場戲好感人，對我係演技挑戰。」

昨晚劇集播出黎耀祥倒吊操腹肌的場面，身形弗爆，他說：「其實監製冇要求我除衫，係我主動要求操弗除衫，嗰段時間係人生嘅巔峰，未試過咁弗，都有啲自戀，希望下一套《拳王》會再弗啲。」

龔嘉欣爆拍攝時大家見到黎耀祥除衫就相當興奮，爭相合照，黎耀祥花了兩個月操弗，他笑說：「好開心，呢啲經驗唔多，我谷到行晒，除得就除。」