東網電視
更多新聞短片
視頻觀看次數: 622

新歌咁揼本?!
1/4
寰亞唱作歌手梁釗峰(釗峰)的新歌《萬惡不赦》開宗明義指正人類多種自私行為,身為山友的釗峰特別提到疫情期間多了市民登山,希望大家自行帶走野餐後的垃圾,以免為害寶貴的大自然。
每逢周末假期過後山野便有垃圾堆積,喜歡跑步及攀山的他對此感到十分氣憤:「近排好多市民都留番喺香港,好多媒體相片都見到,假期後山上嘅垃圾桶都滿瀉,大家就咁將垃圾放喺地下就走,如果大家嘗試自己走時帶走埋垃圾,唔使等清潔工人第二日至上去清理,咁樣唔係更加好咩?唔好破壞環境,山上亂掉垃圾嘅行為,呢啲真係萬惡不赦,好唔要得。」
釗峰指新歌描述的世界和之前的《日光》是一個強烈的對比,他說:「之前幾首歌都比較正念、光明,但《萬》就講比較陰暗一面,有啲人性嘅剖白,所以用咗好多好抽象好科幻嘅影像,對人類嘅少少探索,並且去描繪呢個人性遊歷慨覽。我覺得欲望係好兩極,你若追求真善美,當然對世界有益,但若只追求私慾,便會影響人及其他生物。」
今次MV用上很多特技,希望當中充滿想像力的畫面,他說:「MV無論場面同生物造型都好有科幻電影嘅感覺,驟眼睇以為係荷里活億元大製作,好感激導演團隊做到咁高水準咁精緻,希望呢啲畫面可以令觀眾明白人性非本惡,大家只係輸畀永無休止嘅欲望、金錢、權力、私慾!萬念掩蓋本心,墮進萬惡不赦嘅境地。」

釗峰希望將環保訊息帶畀大家。

MV用咗好多特技!

釗峰話似足荷里活億元大製作!