莊思敏揭張寶兒花名叫「張補妝」

藝人莊思敏、傅嘉莉、陳詩欣及蔡嘉欣齊齊為無綫節目《StarTalk》任嘉賓，大談合作節目《姊妹淘》的感受，傅嘉莉坦言以往拍劇及當模特兒較多，說話技巧向來不精，認為要做主持絕對唔容易；陳詩欣與蔡嘉欣則同聲表示對節目內的運動環節全由運動了得的曾淑雅拍攝，大感辛苦，笑言完成後要食足兩日止痛藥。

而眾人推舉張寶兒為最貪靚主持，莊思敏說：「佢有個花名叫張補妝，長期要補妝，成日話自己有黑眼圈，但我哋都唔覺。」陳詩欣續說：「佢長期拎住盒五色遮瑕膏，可以唔要個電話，但唔可以唔要盒遮瑕膏。」