【畀行內無賴騙財】鍾舒漫做生意被呃血汗錢

英皇歌手鍾舒漫（Sherman）近年運氣麻麻，去年因為嗓子問題暫停唱歌事業，9月底她跟英皇娛樂的合約屆滿，她已公告會正式離巢向外闖，前晚Sherman突然在自己的私人社交平台發文，自爆遭無賴呃錢，她寫道：「其實...想問吓...我俾（畀）行內人呃咗錢，錢唔係問題，但我真心唔想姑息養奸，我想問可以點做。」

Sherman所指的「行內人」，並沒有透露是幕前定幕後人，雖然好多朋友都認為她應該「開名」，將騙徒的真面目公諸於世，藉此可提醒其他人不要再受騙，但她覺得開名似會換來罵戰，覺得這個做法好無謂亦好肉酸。據知Sherman今次是跟「行內人」合作做小生意，但過程中大家意見分歧，對方全心在金錢上有欺騙她的成分，而她有齊證據在手，正考慮訴諸法律。

被追問到遭行內人騙財一事，Sherman承認搞生意出事，但她不欲詳談說：「係小投資，數目唔係好大，只係臨尾大家夾唔到，我已經出咗信交由律師處理，所以唔再多講，只係唔希望帶畀大家麻煩。」