意外冇人想　王浩信：飲咗酒就唔好揸車

藝人王浩信與張振朗出席無綫新劇《反黑路人甲》宣傳活動，浩信笑指近年與監製林志華的合作一定玩「Hehe」，似是挑戰其底線，振朗坦言二人都是「無聊底」，相信觀眾會睇得開心。對於被取笑是無綫劇Hehe代表，振朗也忍不住指前無古人，後無來者，浩信則無奈表示：「可以咁突破，繼續落去都真係創先河，希望大家笑下。」

提到劇中他艷福無邊，與馮盈盈、高海寧、湯怡與蔣家旻均有感情線，浩信透露今次主要講述他與振陽Hehe情，其他女角只是霧水情緣。振朗被問可會禁止女友欣賞其Hehe情？他說：「唔會，佢都支持我咁做。」

談到楊明因「拒絕提供血液樣本」而被拘捕，王浩信表示：「我都唔知點講，重要係當時人冇事，總之飲咗酒就唔好揸車，有呢啲情況我多數會Call車，無謂搏啦！（覺得楊明唔珍惜公司畀佢嘅機會？）唔到我哋去評論，做好自己工作先，意外冇人想，（擔心佢？）交畀公司處理，（短訊問候佢？）呢段時間等佢處理咗嘢先，見到佢再傾傾咩事啦！」