湯洛雯當細妹公主　湯樂瑤晒事業線賀自己生日

藝人湯洛雯（靚湯）與妹妹湯樂瑤（Cass）雖然年紀相差10年，但二人姊妹情深，尋日Cass 23歲生日，靚湯呢個廿四孝家姐除咗為壽星女親自下廚外，仲準備兩個生日蛋糕、香檳、氣球同禮物，務求令細妹生日喺屋企都能享受公主般待遇。

其後靚湯喺社交網晒出兩姊妹合照，見壽星女着上花花露肩連身裙，騷出事業線，十分養眼，而靚湯則身穿白色荷葉袖裙，甜美十足同樣吸睛，名副其實最索姊妹花！