湯怡最難忘王浩信鼻涕：真係好長！

藝人湯怡出席無綫節目《流行經典50年》，指跟馮盈盈一樣，不會表演唱歌跳舞，會在台下打氣：「其實十幾年前學過跳舞，不過公司話我似耍太極，所以都係同盈盈喺台下打氣，傾吓偈。」

講到跟王浩信在劇集《反黑路人甲》其中一場戲，她指最難忘是浩信的鼻涕：「嗰場戲講浩信喊，但我又瞌埋眼，一開眼嚇一嚇，因為條鼻涕好長，一Cut機我即大叫閃開。」另外，她指與王浩信有一場車廂親熱戲，事前亦有跟對方溝通好：「因為都唔想NG咁多次，所以我同佢都有溝通好，我有叫佢主動少少，度好晒位，因為車廂入面太焗太細，其實都幾尷尬。」