新聞之花做「煮」婦 林燕玲蔡雪瑩:一啲師奶味都冇

2020年08月11日 22:38
東網電視
更多新聞短片
昔日新聞之花林燕玲(右)、蔡雪瑩合作搞節目,看來似享受多過似返工。
兩位前無綫新聞之花小飛俠林燕玲(Ruby)和蔡雪瑩(Snowy)近日頻頻做直播,晚上又以店長身份主持一個直播煮食節目,原來她們美貌與廚藝並重,Ruby喜歡煮西餐,Snowy拿手潮州菜,由於是次有大廚在場,她們只擔任助手。
開Live前兩人不停對稿,姊妹檔表現合拍,Ruby笑言是姐姐,Snowy則說連造型Ruby也諗過度過,一個長髮、一個短髮成為這對組合的標記,Ruby說:「我哋本身係相識好耐朋友,合作係有幫助,做節目更有默契,容易夾到,雖然有稿有內容嘅,但好多時都係由心出發,觀眾睇到感受好真實。」Snowy認為以前做慣主播,習慣性地講重點,笑言因為Air time好貴。
雖然未試過直播蝦碌,但坦言有壓力,Ruby說:「初初有壓力,做咗媽咪後變咗精明師奶,對數字開始好敏感,(畀人當師奶?)我哋一啲師奶味都冇。」
Snowy則覺得師奶並非眨詞,認為要精明精算及掌控時間才有資格當師奶:「我覺得直播係趨勢,淨係出甫已經Out咗,依家我哋兩個都轉營。」早前Ruby在網出甫預告有好消息公布,有網民誤以為她有喜?Ruby笑說:「唔係,我哋嚟緊會同一個全新大品牌合作,連Snowy都留言問我係咪有喜,誤會咗,等我出番個澄清甫先。」