蔣家旻約麥秋成偷跳　搵湯怡做煙幕？

無綫劇集《反黑路人甲》現正熱播，呢日「水姐」蔣家旻就孖住同劇結緣成為好友嘅湯怡，拍片齊齊挑戰跳舞，仲搵埋緋聞男友麥秋成擔任排舞老師添！片中見跟開麥秋成學舞嘅蔣家旻特別快上手，每個Step都好快掌握到，反而湯怡就頻頻甩Beat，動作亦較為生硬，睇嚟仍需努力。

此外，湯怡同蔣家旻仲重演劇中嘅場口，但就因為二人現時已非常熟落嘅關係，導致不斷笑場，連蔣家旻都忍唔住表示：「真係唔可以同佢熟，熟咗之後，大家演唔番個角色，佢係唔係都不停笑，影響埋我。」