否認企跳　謝寧大女岑寧童解畫：我係飲大咗！

前港姐冠軍謝寧與岑建勳所生的28歲大女岑寧童昨日疑反鎖家中企跳，情況一度令人擔心。東網終於聯絡上岑寧童，她說：「我剛剛攞番部電話，唔好意思，遲啲再講。」問她現時身體及情緒狀況時？她說：「我ok呀！」

岑寧童再受訪，她承認被送院的是自己，但就否認企跳：「首先唔係企跳，好驚訝點解會傳企跳。我最近工作好忙，冇咩時間瞓覺，呢幾日因天氣同外景嘅因素唔使開工，所以我前日太放鬆飲咗好多酒，我係飲大咗。」岑寧童續指：「我因為工作太忙休息太少，我出晒疹、發燒同埋因為前晚飲大咗又嘔，我臨瞓前同朋友傾咗通電話，我飲醉酒講嘢好大聲，嚇親我工人，之後工人幫我call救護車。救護同警察上嚟我仲同朋友講緊電話，我見到警察情緒好激動，我原本諗住瞓覺，因為我病緊，第二日又要返工。」

問到是否有情緒病及醉酒後有否作過企跳動作？她否認說：「我冇情緒病，亦冇做出企跳動作，當日咁多記者喺樓下望住，如果有呢啲動作都會影到。」岑寧童稱因為出疹及曾發燒，雖現已退燒，但仍要留在醫院隔離，並要接受新冠肺炎檢測，預計今晚有結果。問到母親謝寧是否十分擔心？她坦言：「係，佢都唔可以入嚟探我，現正隔離中。（你擔唔擔心患新冠肺炎？）擔心，因為我仲要返工，好大負擔。」她笑言疑企跳報道一出後，公司誤以為她壓力大而跳樓，希望在此澄清。之後她在社交網爆粗宣洩情緒：「咁X多人自殺咩DXXXH」

身為岑寧童契姐的李昭南，指打過電話給對方及契媽謝寧，不過兩人都沒有聽電話，李昭南說：「相信呢段時間好多朋友搵佢哋，我都有留言畀岑寧童，叫佢有時間先覆番我，我都係等佢電話，無謂喺呢個時候轟炸佢，相信佢會冇事。」