楊冪魏大勛戴情侶漁夫帽出門　傳同居試婚

內地女星楊冪同劉愷威宣布離婚後，舊年瘋傳佢同細3歲嘅內地男星魏大勛撻着，雖然佢哋從來冇承認戀人關係，但成日不經意洩蜜，令戀情甚囂塵上。

有內地傳媒就影到「冪勛」現身橫店，為免太過高調，女方先到大樓停車場搭車，過一陣戴住同楊冪同款漁夫帽嘅魏大勛就出現，並搭另一輛車離開，報道更指佢哋感情穩定，並已開始同居試婚。

「冪勛戀」熱烘烘，唔少網友幫佢哋「助攻」：「很正常，男未婚女未嫁」、「到底戀愛沒，當事人出來回應下！」、「爆出逛街偶遇就他們有戲！」、「要在一起就趕快在一起，別搞這些！」既然咁多人想你哋一齊，就快啲認愛啦！