張若希自認乖學生 但成績就...

20200813
東網電視
更多新聞短片
身為唐韋琪徒弟,張若希有番咁上下。
歌手唐韋琪的16歲徒弟張若希,為新歌《17歲的畸歌》拍攝MV,因配合新歌主題,張若希特意穿上校服、兼有拋書包及紙張動作:「第一次同Band一齊拍MV,好Rock!呢首歌加入咗好多奇怪、反叛、不滿嘅想法,但現實中我係好乖。(但你校裙唔過膝。)現實中係一條過嘅,好似修女咁長!」又自爆自中一起只換過一次裙,因為變瘦,但不是長高。
問到有何不滿?她笑謂會諗點解要成日要補課:「仲要上唔同嘅堂。(好大壓力?)自己都鍾意讀書嘅,但幾叻都好,每個人都有壓力。(你成績好?)普通,但有被老師推薦,然後拎咗個進步獎,都好感恩!停咗咁耐學,都好想返學校見吓老師、同學,以前返學就淨係諗放假。」她又表示老師和同學都好支持自己玩音樂,能為他們帶來正能量,豈不是做了學校的風頭躉?她笑說:「唔係咁講,我好低調㗎!」
受疫情影響,明年考DSE的張若希表示聽聞公開試會延期:「課程都會縮減,睇吓到時社會點安排。(會去外國升學?)唔會,因為想同時發展演藝事業,所以會留喺香港。」