舊愛陳家樂有拖拍!余香凝單身闖樂壇搵到伴

2020年08月15日 00:00
東網電視
更多新聞短片
余香凝被傳當年狠飛陳家樂。
藝人陳家樂當年被指遭余香凝(Jennifer)狠飛,更令他傷心落淚,分手兩年後情歸連詩雅,相反Jennifer仍然單身,繼續為事業努力拚搏。除了拍電影、電視劇雙線發展外,她還重拾唱歌那團火,早前跟Super Girls成員Cheronna推出合唱歌《天地分裂》。
新歌中Jennifer和Cheronna分別化身循規蹈矩的天使與忠於自己的魔鬼,提到每人都試過天使與魔鬼在心中對恃,乖乖女Jennifer坦言通常都被「天使」說服到,最難忘一次被老師無故「批評」,自己都默默承受:「有個老師專登留低我,佢話『你有冇check過,我覺得你有啲讀寫障礙』,之後我就一路喊住咁放lunch,因為嗰陣我未聽過呢個詞語,一聽到就覺得好大件事,到最後我諗我應該冇,我之後讀書都OK架,哈哈,所以由細到大老師會話你,但係咪一定啱呢。」她笑言至今都會質疑自己可是有讀書障礙:「例如po相前條caption睇咗幾次都仲會質疑自己。」
而「魔鬼」Cheronna則明顯我行我素,笑言:「我之前數學好差,老師同我阿媽講『你可唔可以check下你個女個腦有冇問題』,但我冇理佢,仲有個老師話我有問題,因為我好鍾意傾偈,傾到老師搬我向後坐去個角落頭度,但我仍然都同同學傾偈。」她亦坦言天使與魔鬼最掙扎時刻是選擇應否入行:「天使話父母供養咗我咁耐,叫我孝順啲,讀埋書先諗,但魔鬼就話你嘅夢想就係唱歌跳舞,呢個機會好難得,所以係人生好大嘅掙扎。」
至於提到MV中兩人都各有「肉搏戲」,其中Jennifer笑言是幫媽媽沖涼,而Cheronna就是與男對手演床上戲,她更要除bra及裸背上陣,十分大膽!她笑言:「都唔係好激烈啫,今次係比較露多啲嘅。(今次裸背係底線?)睇件事啦,如果要露多啲要視乎個程度,我底線當然唔想露晒,最緊要合乎情理,唔係乜嘢都露。」Jennifer則大表羨慕對方:「我開會時已話點解唔係調轉嘅?(接受到咁大膽?)接受到,最緊要劇本同成件事係合情理,其實上年我拍咗套戲幾大膽,都近乎咁,或者誇張過佢少少咁啦。(唔會set底線畀自己?)冇,睇劇本,同埋要信任對手同成個團隊,真係值得去做我會搏盡去做。」
場地:THE WAVE
Cheronna髮型:Calvin Tsoi@HAiR
余香凝髮型:Ken Hui@ii ALCHEMY hair & nail