同孖生妹分隔兩地！倪晨曦唔愁寂寞低胸露背揈巨肚

女神倪晨曦（Elva）同佢個孖生細妹倪晨曄（Jennifer）今日33歲生日，以往幾年佢哋都會去旅行慶祝，不過今年因為疫情關係，兩姊妹要分隔兩地，一個喺香港，一個喺加拿大！

Elva喺社交網大晒多張合照，留言：「雖然今年不能在一起過生日，但我們還是心連心，知道世界的另一邊有一個血脈相連的姐妹彼此惦記着對方?」

不過女神都不愁寂寞，事關佢嘅好閨蜜包括朱韻韻及鍾浠文尋晚已為佢慶祝，壽星女仲着上黑色超低胸露背晚裝，扭身扭勢揈巨肚非常興奮，但正面睇完全唔覺佢佗緊BB，真係Fit到爆呀！

另外，倪晨曦喺社交網上載性感大肚孕照，見佢着上三點式泳衣，出面着住一條透明喱士長裙，展現性感美，並憶起當日媽媽生自己同妹妹，大出血差啲死：「以前還半開玩笑的說不應該慶祝生日，因為媽媽當年為了生我和妹妹差點大出血死掉，最後還造成面癱和留下無數的妊娠紋，其實這一天媽媽的受難日，所以每年生日都很感謝媽媽，因為她無私的付出才將我和妹妹健康的出生和扶養長大。」