開綠燈？連詩雅陳家樂低調拍拖　公司：毋須澄清

歌手連詩雅（Shiga）和人氣王陳家樂傳出戀情後，日前到偏遠的鴨脷洲拍拖行outlet首度斷正，Shiga經理人公司表示：「佢哋去行街公司係知道嘅，亦都好信任自己artist，Shiga工作時會好盡力、投入去做，有時間又喺冇工作喺身嘅空檔期，同朋友行吓街，放鬆吓心情係okay。」

又指兩人因合作節目而成為好友，彼此都是年輕人，又有共同興趣及話題，大家相處投契。問到Shiga是否和家樂拍拖？經理人公司表示：「毋須去澄清係咪拍拖，佢哋又冇拖手，希望大家畀少少空間給佢哋。」另外，據知Shiga將接拍重頭劇《金宵大廈2》，當中將和胡鴻鈞合演一單元，兩人更會發展一段悽美愛情。

而家樂就表示：「平日都好少去嗰邊，但嗰日咁啱途經又想買少少嘢啫。其實嗰晚都有工作，所以冇逗留得太耐，多謝關心。」繼續未有正面回應拍拖一事。