同謝霆鋒鬥威　王祖藍輸蝕出口術寸爆

藝人謝霆鋒與王祖藍近日亮相內地節目《快樂大本營》，玩遊戲時一人一句寸爆對方，火花四濺！當中霆鋒打頭炮表示：「我公司集團甚麼都沒有，只是有六家上市公司」，擺明話自己身家豐厚過祖藍多多聲，講完佢仲將腳放喺台上，霸氣十足。祖藍亦唔輸蝕，成個人企上台，反擊指自己公司都即將上市。

其後霆鋒再出招，笑祖藍未拎過金像獎，仲得戚表示：「好像是新人、男配角、男主角，都拿過了」一度嚇窒祖藍，不過出名轉數快嘅祖藍立即還擊，直指：「我當然知道，我小時候有看那天的頒獎禮！」笑稱細細個已睇對方做戲，認真寸到爆。