虛驚一場！譚詠麟跑完步脫水自嘲「飢饉70」

「樂壇校長」譚詠麟（阿倫）尋日一張瘦到臉頰凹晒嘅相嚇親一眾網友，個個都問佢身體係咪出現問題，雖然佢已經解釋咗係因為運動後未食嘢，未飲水嘅關係，但係校長為咗證明佢身體好健康今日再度上載喺室內跑步嘅相。

佢留言：「早上好，經過上兩天先出了一張加料操練的照片讓大家虛驚一場後，所以今日我在想要否再加碼呢？其實朋友們真的不用擔心，因我每次跑完步之後，未喝水之前；效果都是一樣，今日只有大量急步行、小量跑步，又回復正常程序，接受近1小時差不多啦！」

而下周日就踏入70歲嘅阿倫，仲喺自己張相度加上「飢饉70」字眼，真係唔認老都唔得，但係網民心目中阿倫都係年年25，有網友留言話：「偶像，你好像寫錯數，應該飢饉25才對。」