葉念琛上海隔離　麥玲玲千里送便攜式洗衣機

導演葉念琛近日到上海籌備拍網劇，需在當地酒店隔離14日，連日來佢都有喺社交網晒相分享隔離生活，見其物資相當充足，除咗有罐頭鮑魚、杯麵等，就連便攜式洗衣機、小雪櫃及多功能煮食鍋都有，真係一應俱全！

佢就留言透露原來係獲身在深圳嘅好友麥玲玲千里送上物資：「感謝玲玲師傅千里送來的禮物！實在太豐富了！無言感激！」據知葉念琛初時只帶咗罐頭及零食，但入住嘅酒店資源有限，而且一定要在指定酒店進行隔離，不能中途換酒店，麥玲玲見狀即主動送上必需品，認真唔話得。