晒老婆畫作慶團圓　黃智賢抱狗歎月餅迎中秋

藝人黃智賢不時在社交網分享和狗狗們的生活日常，他又網晒抱着狗狗「Cupcake」的短片，片中他一手拿着月餅，一手抱着「Cupcake」，見「Cupcake」對其手上的月餅虎視眈眈，他即溫柔的對牠說：「下次專整一啲專畀狗仔食嘅（月餅）畀你好冇？你唔食得，我研究吓先，好冇？等你生日時送畀你食好冇？你記唔記得你幾時生日？」不少網民大讚這段「父女情」非常溫馨，又笑言：「唔畀佢食又要引誘佢。」

另外，短片中更刻意拍下月餅盒的設計，原來盒面的油畫，是出自黃智賢太太Maggie的手筆。其實Maggie是個全職畫家，早年不單以「Macaron」為名開始其畫家事業，更開設專頁分享畫作，而其作品也有在咖啡店等地方售賣，更有指她近年開親子班教畫畫。

和太太結婚16年的黃智賢，一直非常支持太太的事業，兩人感情更是歷久常新，他曾說：「幾好嘅朋友都未必同你走落去，唯獨另一半係陪你生老病死。」即成為網民熱話，大讚他是好老公。