疫情打擊重頭劇延拍 馬國明刨劇本唔拍拖

2020年08月19日 22:00
東網電視
更多新聞短片
陪吓女友好喎!
無綫現時有多部大製作新劇等待開拍,當中包括馬國明、鄭嘉穎、鍾嘉欣合演的《兒科醫生》;馬國明、唐詩詠、胡定欣、張曦雯等合演的《白色強人2》;李施嬅、陳山聰主演的《金宵大廈2》。雖然全部演員已經候命多時,不過因疫情及禁聚令關係,故不少劇集拍攝受到影響,除了改為全室內拍攝及電視城內取景拍攝外,很多劇都因為拍攝場地問題而一拖再拖,未能如期開拍。《兒科醫生》原定於七月開拍,後來因疫情問題延遲至八月,但現在還未開拍。而原先十月會返內地拍攝的《白色強人2》,亦要延遲。至於《金宵大廈2》最快要八月尾才開拍!
馬國明本來要拍完《兒科醫生》再拍《白色強人2》,現時正放假的他,被問到是否有更多時間與女友湯洛雯拍拖?他說:「唔係呀!我呢排都忙做功課,有好多準備工夫,梗係唔係成日拍拖啦!延遲都好嘅,可以有更多時間準備,同埋依家我有時間都喺屋企做運動,喺天台跳吓繩、掌上壓、平板支撐,依家冇乜嘢都少出街,希望疫快啲過去。」問到會否有工作因此而延遲?他說:「OK喎!經理人都話幫我接咗啲嘢,之後會拍,對我嚟講冇乜影響,而且之前我多做神經外科同心胸肺科醫生角色,今次轉去小兒外科,所以有好多功課要做,又要上堂,真真正正閉關做功課!」
嘉穎日前秘密於電視城與高層杜之克、監製等進行拜神及試造型,他接受無綫娛樂新聞台訪問時坦言大仔平時很黐他,所以今次開工數月,都怕大仔會認不到他。嘉穎又笑言細仔沒有大仔那麼「勞嘈」,不過就很大食,兩小時吃一次,一天吃足十多餐!
返港拍劇的鍾嘉欣受訪時,被問到會否因延遲拍攝而拖慢返加拿大陪仔女?她說:「最重要都係每個人都安全,我哋仍然打算按時完成呢部戲,希望病毒快啲受控。」有份演出《兒》劇的張寶兒亦謂:「冇辦法,因為禁聚令問題,大家都想放心啲所以延期,不過大家都處理得好有系統,又好有組織,呢個係好事!」
而《白色強人2》監製羅永賢受訪時謂:「應該要延遲到十一月頭先開到,都要等馬明拍完《兒科醫生》先,但我哋都唔會咁快返大陸拍外景住,最快2021年初先返去,希望疫情可以快啲穩定。」
而忙於拍攝《超能使者》的陳山聰原先會緊接拍《金宵大廈2》,但現時要延遲。他說:「我未收到監製通知要延遲到幾時,其實對我嚟講都係好事,等我可以多啲時間消化吓個劇本同休息一下先。」