監製力撐楊明新劇冇被飛 9月尾會繼續開工

20200820
東網電視
更多新聞短片
傳出新劇被飛,楊明仲有得拍新劇?
藝人楊明之前因撞車拒絕提供血液樣本而被捕,有傳楊明因此事而被抽起拍攝王心慰9月尾開拍的新劇《郭家無難事》,更找來蕭正楠頂替其角色,夥拍湯洛雯飾演一對。
不過,監製王心慰接受東網訪問時,坦言計劃開劇時一直都是找楊明擔演,從來未有打算易角,她更表示之前沒有記者問及她此事,亦完全沒有受訪,亦從沒表示會找湯洛雯、蕭正楠拍攝此劇,不知為何傳出此謠言。
換言之,楊明之前工作一直表現良好,無綫沒有打算放棄楊明,9月尾楊明更會為新劇開工,楊明接受東網訪問時謂:「依家暫時公司畀時間我休養,因為之前撞親條盆骨同尾龍骨,椎間盤都有凸出,一直都休養緊,我自己暫時未收到公司消息,公司亦有慰問我,我冇聽過會易角一事,依家聽到監製Amy姐冇打算轉換角色都開心嘅,遲啲好番啲我會做吓運動先。」
而蕭正楠對於頂替楊明拍攝一事感到一頭霧水,他謂:「我冇聽講過,Amy姐都冇搵過我,依家新冠肺炎咁緊要,好多拍攝嘅期都亂晒,我都未知自己之後工作嘅期係點。」