被男友狠撇受情傷!利穎怡患情緒病諗過自殺

2020年08月20日 22:46
東網電視
更多新聞短片
利穎怡曾經被初戀男友狠撇。
現年32歲的「東張」女神藝人利穎怡(Joan),憑着爽朗活潑性格,主持無綫節目《東張西望》深得網民喜歡,並獲「東張」女神之美譽,但原來女神戀愛經驗並不多,只有二次,她還直言,初戀的回憶,不是「無限美」,而是一次大重傷:「可能我以前比較唔成熟,而我初戀男友,又有小小暴力傾向,由於我哋拍拖嘅後期,係分隔兩地,佢試過因為我去街冇話畀佢聽,之後佢發現咗,用電腦視像問我嘅時候,嬲到想用櫈掟埋個電腦Mon度,嗰吓我真係好驚,但都冇諗過要分手,直至有一日,佢同我講話想分手,因為佢想去睇醫生,希望控制好自己嘅情緒先再搵我,點知,唔夠幾日佢就有新女友,我當時好唔開心,唔明白點解佢要咁樣呃我,唔夾可以直接講,跟住我諗住搵佢,點知佢已經Block晒我所有聯絡嘅方法。」
被男友狠撇,令利穎怡傷心到極點,更一度諗過做傻事:「當時真係傷心到唔食、唔瞓,仲好傻咁諗過自殺,當時我啲好朋友輪住陪我,喊咗唔知幾多晚,當時唔單止有情緒病,要睇心理醫生,身體都出現問題,皮膚會出水。(即係有皮膚病?)係,花咗好耐時間先至慢慢好番。」
她與林泳淘、尹詩沛去年曾公布會合作搞首飾品牌,怎料,籌備接近一年,最近卻因種種原因而告吹收場,投資金錢以及已設計好的六十款首飾全部化為烏有,她坦言十分可惜:「不過,都慶幸及時有呢個決定,因為依家嘅市況,真係好難做,同埋,我哋三個合作期間都有少少爭執過,唔想做落去大家連朋友都冇得做,我寧願大家友誼常在,我哋依家仲係好好嘅朋友。」
她早前為一位92歲被騙財產的魚塘主人根叔,尋找律師團隊義助,令老人家生活有所曙光,獲不少網友大讚她是「正義女神」,對於如此多「女神」稱號,Joan謙稱:「好多謝大家嘅誇獎,女神唔敢當,亦都驚自己配唔起呢個稱號,不過,依家呢個稱呼都好似係女仕嘅專稱,所以都冇咁大壓力。」
服裝提供:decembereight
場地提供:Pier 1929@灣仔碼頭