小米產品出名性價比高，而且耐不耐就有優惠活動，令米粉們可以用更抵價入手。適逢品牌踏入10周年，小米將由即日至23日舉行「小米10週年感謝祭」，當中有不少筍貨。

先睇手機，最新小米10 5G平足$400，僅售約$4,600，POCO F2 Pro 5G仲誇張，激平$800以約$3,600開售。入場費再平啲有Redmi Note 9的4GB+128GB版本，平$100以約$1,400發售，預算有限不妨諗諗。

小米生態鏈產品也有特價優惠，米家IH電飯煲、米家智能電風扇座地式1X及米家智能攝影機1080P雲台版各平$50，分別以約$500、$450及$200開售。特別一提，感謝祭期間購買米家掃拖機器人，可以米粉價$1元加購全套配件；購買米家手持無線吸塵器1C則可獲贈黑色小米藍牙耳機mini。